Она тилим - фахрим, ғурурим!
Бугун, яъни 23-октябрь куни соат 14:00да Турин политехника университетнинг ёшлар билан ишлаш бўлими томонидан ZOOM платформасида “Қадринг баланд бўлсин, она тилим” шиори остида онлайн маънавий-маърифий ва маданий тадбир бўлиб ўтди. Бадиий кечани университетнинг проректори Алишер Ашуров очиб берди. Талабалар томонидан мавзу бўйича тайёрланган видеоролик томошабин ва меҳмонлар учун байрамона туҳфа бўлди.Тадбирда Ўзбек Миллий Академик драма театрининг устоз санъаткори, Ўзбекистонда хизмат кўрсатган артист Раъно Ярашева иштирок этиб, мавзуни янада бойитишда, бадиий ижодий салоҳиятини оширишда муносиб ҳисса қўшди. Меҳмон санъаткор тадбир иштирокчиларининг эътиборига назм йўналишдаги ижод маҳсулларини ҳавола этди.
