Бетакрор ижодкор
Табриклаймиз – қутлаймиз!
Бугун 1-октябрь, Миллий театрнинг устоз санъаткори, халқ суйган ва ардоқлаган ижодкор, комик ва драматик роллари билан томошабинлар меҳрини қозонган актёр, Ўзбекистонда хизмат кўрсатган артист Фарҳод Абдуллаевнинг таваллуд айёми. “Кўнгил кўчалари” видеофильмидаги Тилло образи билан кўнгилларга кириб келган санъаткоримизга аввало танисиҳатлик-саломатлик, узоқ ва мазмунли умр, кенг ва баланд ризқ-насиба, оилавий тинчлик-хотиржамлик, шунингдек ижодий файз-барака тилаймиз. Фарзанду набираларингиз бахтидан шодланиб, тахтидан завқланиб яшанг. Устоз, репертуарингиздан ўрин олган “Қаллиқ ўйин”даги Чоннама, “Кўнгил”даги Тоҳир, “Дилхирож”даги Тоға, “Ўртоқ Бойкенжаев”даги Бойкенжаев образларини алоҳида меҳр билан тилга оламиз. Халқга манзур бўладиган шу каби қаҳрамонларингиз сафи янада кенгаяверсин, кўлами ошаверсин. Мухлис ва томошабинларга ижодий хизмат қилишдан асло хорманг-чарчаманг. Кўнгилларга доимо ҳушнудлик улашиб юринг!
