Меҳрибон ака
Бугун 2-август, Миллий театрнинг ёш ижодкорларидан бири Ғайрат Боймирзаевнинг таваллуд куни. Ижодий изланувчан, меҳнаткаш актёримизга узоқ умр, соғлик-саломатлик, кенг ва баланд ризқ-насиба, оилавий тинчлик-ҳотиржамлик, фарзандлар бахт-у роҳатини тилаймиз. Саҳна ва экран ҳаётида турфа хил феъл-атвордаги катта ва кичик ролларни маҳорат билан ижро этиб келаётган санъаткоримизнинг репертуаридан ўрин олган “Елкамдаги қуш” фильмидаги Ака (етуклик даври) образини алоҳида эътироф этамиз. Мазмунан ва шаклан бадиий мукаммал мазкур фильмдаги ота-онасидан ёлғиз ёдгорлик синглисини кипригида асраб-авайлайдиган, синглисига бўлган меҳри дунёларга татийдиган Ака – Ғайрат Боймирзаев гўзал инсоний ҳислат-фазилатлари билан томошабин ёдида қолган, қалбидан жой олган. Ижодий таржимаи ҳолингиз ана шундай бадиий пишиқ ролларга тўлишини, замон қаҳрамонлари, мумтоз образлар билан бойишига тилакдошмиз. Оилавий ҳамда ижодий бахтингиз ҳамиша гўзал бўлсин!
