Аёл азиз, аёл муқаддас
Ўзбек Миллий Академик драма театри мунис ва латофатли аёлларимизни, лобар қизларимизни 8 – март халқаро хотин-қизлар байрами билан қизғин ва самимий муборакбод этади. Сизлар билан олам мунаввар. Сизлар билан дунё гўзал. Сизлар билан кўнгиллар обод. Сизлар билан хонадонлар файз-нурга тўла. Сизлар борсиз-ки, жамиятда гул ифори таралади. Сизлар борсиз-ки, хонадонлар сарамжон-у, саришта. Сизлар борсиз-ки, кўнгиллар хотиржам. Сизлар борсиз-ки, фарзандлар суратида ой порлайди. Сизлар борсиз-ки, биз эракакларнинг димоғи чоғ, қадамлари шаҳдам, кўкси тоғдек баланд.
Сиз – баҳоройсиз, сиз гулойим. Сиз – қуёшсиз, сиз ой. Сиз – юлдузсиз, сиз само. Сиз – гулчиройсиз, сиз гулойим. Сиз – фаридасиз, сиз паризод. Сиз – дурдонасиз, сиз гавҳар. Сиз - лолагулсиз, сиз нилуфар. Сиз – муслимасиз, сиз мўмина. Сиз – санобарсиз, сиз сарвиноз. Сиз – оқиласиз, сиз фазилат. Сиз – озодасиз, сиз покиза. Сиз – иродасиз, сиз матонатой. Сиз – мўътабарсиз, сиз муҳтарам. Сиз – меҳрибонсиз, сиз мурувватой. Сиз – муқаддассиз, сиз азиза. Сиз – қалби чаманой, Ўзбегимойимсиз!
Ҳурматли гулчеҳра аёллар! Умрингиз ва ҳаётингиз гулбаҳор, оилангиз гулчаман бўлсин. Гўзал чеҳрангиздан кулги, чарос кўзингиздан қувонч аримасин. Доимо яйраб-яшнаб, оламни гул ифорига тўлдириб, гўзалойим бўлиб юринг. Байрам сизга, сиз байрамга ярашасиз. Сиз ҳаётнинг олий мукофотисиз. Сиз муқаддассиз, муқаддас аёл. Байрам яна бир бора муборак бўлсин Шарқонаойимлар ва Осиёхонимлар!
