"Биз биргамиз"
18 январь куни Адлия вазирлиги билан ҳамкорликда “Биз биргамиз” ижтимоий лойиҳаси доирасида “Эътибор” хайрия тадбири бўлиб ўтди. Тадбирда Миллий театр директори Фатхулла Маъсудов, Ўзбекистон халқ артисти Гавҳар Зокирова, Ёзувчилар уюшмаси раис ўринбосари Нодир Жонузоқовлар иштирок этди.
Ушбу тадбир ногиронларни ҳар томонлама қўллаб-қувватлаш, уларга кўмак беришдан иборат эди. Йиғилганлар ногиронларга ўзларининг илиқ фикрларини айтиб қўнгилларни хуснуд этишди. Айниқса, ногиронлик аравачалари, китоблар совға қилинганлиги, ўксик кўнгилларга бир олам қувонч бағишлади. Шу тариқа йиғилганлар яна бир савобли ишга қўл урушди, - Бу каби хайрли ишларимиз бардавом бўлсин, - дея ният билдирди Театр директори Фатхулла Маъсудов.
