Сурхондарё вилояти мусиқали драма театри пойтахтимизда
Сурхондарё вилояти мусиқали драма театри жамоаси томонидан У.Уватов ва Ғ.Шермуҳаммад асари Ал-Хаким Ат-Термизий ҳаёти ва ижоди ҳақидаги “Алломаи замон” спектакли Шайх Абдулазиз Мансур маслаҳатлари асосида саҳналаштирилган.
Мазкур спектакль жамоатчилик томонидан муваффақиятли қабул қилинди. Ҳозирги кундаги тарихий шахсларни театр саҳналарида бадиий талқинда ифода этиш, ёшларни аждодлар ҳаёти ва ижоди ҳамда Тошкент аҳолисини Сурхондарё вилояти мусиқали драма театри ижодий фаолияти билан яқиндан таништириш мақсадида жорий йилнинг 4-5 июль кунлари соат 18.30 да Ўзбек Миллий драма театри саҳнасида мазкур спектакли намойиш этилади.
