22-март "Очиқ эшиклар хафталиги"
2019-йил 22-март куни соат 18:30 да Ўзбек Миллий Академик драма театрида “Очиқ эшиклар хафталиги” муносабати билан У.Азимнинг “Истиқбол сари” спектакли бепул намойиш этилди. Театр томошабинлар зали 540 та ўриндиқлардан ташкил топганига қарамай, 900 га яқин томошабин ташриф буюрди. Театр рахбари Ўзбекистонда хизмат кўрсатган артист Ф.Масудов – “Халқимизни театрга бўлган қизиқиши шу қадар кучли экан, уларни дили ранжимасин” – деб томоша залининг йўлакчаларига стуллар қўйиб беришни топширди. Спектаклни томошабинлар севиб томоша қилишди. Спектакль жуда аъло даражада ўтди. Халқимизни театрга бўлган қизиқишини кўриб Ўзбек Миллий Академик драма театри рахбари ва ижодий жамоаси жуда мамнун бўлди.
