"Чимилдиқ" спектакли намойиш этилди.
2019 – йил 22 – февраль куни соат 10:00 да Ўзбек Миллий Академик драма театрида янги Э.Хушвақтовнинг “Чимилдиқ” спектакли Ўзбекистон Республикаси маданият вазирлиги қошидаги бадиий кенгашга ва Ўзбек Миллий Академик драма театри бадиий кенгашига ҳамда бир нечта томошабинларга намойиш этилди. Спектакль жуда аъло даражада ижро этилди.
Спектакль 1 соат 40 дақиқа давом этди, спектаклдан сўнг, бадиий кенгаш аъзолари мазкур спектаклни мухокама қилиб, бир овоздан қабул қилинсин деган қарорга келишди. “Чимилдиқ” спектаклини сахналаштирувчи режиссёри Ўзбекистон халқ артисти, Давлат мукофоти совриндори, профессор Турғун Азизов ва Ўзбекистонда хизмат кўрсатган артист Нодира Махмудовалар сахналаштирди. Рассом Ўзбекистон санъат арбоби Бахтиёр Тўраев. Бош янга образида Дилбар Икромова, келин образида Нигина Анорбоева, Куёв ролида Аваз Қодиров, Собир Отажонов ва кўплаб актёрлар ижро этишган, жумладан Гулчехра Иброхимбекова, Хожиакбар Комилов, Фарход Абдуллаев, Феруза Бобоёрова, Ўткир Менглиев, Шарофиддин Музропов, Зилола Гулямова, Зебинисо Холиқова ва кўплаб ёш актёр ва актрисалар роль ижро этишган. Ушбу спектакль март ойининг 2 ва 7-март кунлари Ўзбек Миллий Академик драма театрида намойиш этилади.
