Жиззах вилояти, Мирзачўл тумани
2019-йил 7-февраль куни Ўзбек Миллий Академик драма театри жамоаси, Ўзбекистон Республикаси Маданият вазирлиги бошчилигида Жиззах вилояти, Мирзачўл тумани "Янги дала” қишлоқ маданият марказида ва Мирзачўл туманида қозоқ марказида 2 маҳал соат 13:00 да ва 16:00 да Мухтор Авезовнинг "Абай” спектакли билан ва шу билан бирга халқ артистлари, жумладан Ўзбекистон халқ артисти Ё.Аҳмедов, Ўзбекистон ва Қорақалпоғистон халқ артисти М.Абдуқундузов, Ўзбекистонда хизмат кўрсатган артист М.Азимов, М.Исмоилов, Ш.Исмоилова, Г.Иброхимбекова, Т.Саидов, А.Абдувохобов, М.Рахматов, артист Ш.Музропов, Д.Кубаева, Ф.Бурхонов, Д.Каримов, Ўзбек Миллий Академик драма театри директори Ўзбекистонда хизмат кўрсатган артист Ф.Масудов бошчилигида Мирзачўл тумани ахолиси билан ижодий учрашув ўтказди.
Мирзачўл менаткашлари жуда яхши қабул қилишди. Спектаклни ва ижодий учрашувни мароқ билан томоша қилишди. Миллий театр яқин ойларда алохида яна бир спектакль билан келиб, гастроль сафарини ўтказишни ўз олдига мақсад қилди ва халқига ваъда қилди. Ўзбек Миллий Академик драма театри директори Ф.Масудов Мирзачўл меҳнаткашларига чиқиб, "Сизларга яна спектакль билан ташриф буюриб дилларингизни хушнуд этиш учун хизмат қиламиз” деб ваъда берди.
Ўзбекистон Республикаси театр арбоблари уюшмаси раиси, Ўзбекистон халқ артисти, давлат мукофоти совриндори Ё.Аҳмедов ҳам Мирзачўл аҳлига ўз тилакларини, эзгу истакларини билдириб, Ф.Масудов фикрларига ҳамфикр бўлиб, яқин ойларда яна ташриф буюришни айтди. Мирзачўл аҳлига яхшилик, эзгулик ва улкан зафарлар тилади. Бўлиб ўтган ижодий сафар аъло даражада ўтди. Ўзбек Миллий Академик драма театри жамоаси Мирзачўл тумани хокими томонидан ташаккурнома билан тақдирланди ва театр жамоаси автобусда дўстона сафардан қайтиб келишди.
