Георгий Брим
2019-йил 14-январь куни соат 16:00 да Ўзбек Миллий Академик драма театрида, Ўзбекистон Республикаси маданият вазирлиги бошчилигида, Ўзбекистон санъат арбоби, Давлат мукофоти лауреати, профессор Георгий Брим хотирасига бағишланган тадбир бўлиб ўтди.
Мазкур тадбирни Ўзбекистон Республикаси маданият вазири Б.С.Сайфуллаев очиб берди.
Тадбирда Республиканинг барча театрларининг бош рассомлари, “Рассомлар Академияси”нинг рахбари бошчилигида кўплаб рассомлар, “Ёзувчилар уюшмаси”, “Санъат ва маданият институти” талабалари,” Бенков номидаги рассомлар ва дизайнер колледжи рахбарлари, устозлари ва ўқувчилари иштирок этишди. Сўзга Ўзбекистон халқ артисти, Ўзбекистон Республикаси театр арбоблари раиси Ё.Аҳмедов, Ўзбекистонда хизмат кўрсатган артист, режиссёр О.Салимов, Ўзбекистон халқ артисти Ё.Саъдиев, Ўзбек Миллий Академик драма театри бош рассоми, Ўзбекистонда хизмат кўрсатган санъат арбоби Б.Тўраев ва кўплаб санъат арбоблари сўзга чиқишди. Хотира кечасида Драма театри “Искандар” спектаклидан парча ижро этишди. Хотира кечасида сўзга Георгий Бримнинг шогирдлари чиқишди, улар устозининг қилган ижоди, характери, бағри кенглиги, дунёқараши, инсонийлиги хақида чиройли хотираларни эслаб, Георгий Брим нафақат улар, балки барча санъат ва маданият сохаси вакиллари қалбида, хотирасида абадий яшашини таъкидлаб ўтишди. Хотира кечаси жуда аъло даражада ўтди. Георгий Брим доим ёдимизда қолади.
