"Ўн икки ой"
Ўзбек Миллий Академик драма театри 2018-йил 26-декабрь куни соат 10:00, 12:00, 14:00 да азиз болажонларимизга янги йилга совға тариқасида Самуил Маршакнинг “Ўн икки ой” спектаклини тухфа этди. Биринчи сеанс яъни 10:00 да намойиш этилган спектакль хайрия совға бўлди. “Ўн икки ой” спектакли болажонларимизга байрамона кайфият улашишга, эртаклар оламига саёхат қилишга замин бўлди десак асло муболаға бўлмайди. Спектакль болажонларимизга жуда манзур келди. Чунки, спектакльда танланган мавзу, эртакнамо либослар, профессионал ижро, кўркам ва чиройли декарация, мусиқа ва рақслар томошабинни ўзига ром эта олди. Спектакльнинг ўзгачалиги шундаки, спектакль театр файесидан бошланади ва актёрлар томошабинларни томоша залига ўзи билан олиб кириб кетади ва спектакль саҳнада давом этади.
Эслатиб ўтамиз, янги йил спектакли 26-декабрьдан 10-январьга қадар, 3 махал: 10:00, 12:00 ва 14:00 да Ўзбек Миллий Академик драма театрида намойиш этилади.
