Фестиваль 2018 Дебют
15-ноябрь куни Ўзбекистон Республикаси Маданият вазирлиги ва Ўзбекистон Республикаси Театр арбоблари уюшмаси томонидан Мустақилликнинг 27 йиллигига бағишланган “Дебют-2018" 5-Республика кўрик-фестивали бўлиб ўтди. Ушбу фестивальнинг очилиш маросими Ўзбек Миллий Академик драма театрида бўлиб ўтди ва барча ёш режиссёрларнинг спектаклари Ўзбек Миллий Академик драма театрида бўлиб ўтади. Фестиваль қатнашчилари 17 нафар ёш режиссёрлардан ташкил топган бўлиб, уларнинг барчаси Ўзбекистоннинг турли вилоятларидан ташриф буюришган. Бу фестиваль иқтидорли ёш ижодкорларга ўзининг янгича қарашлари, замонавий ёндошиши ва истеъдодини намойиш этиб уларга келажакда янада жўшқинланиб янгича қарашлар янгича йўналишларда ижод қилиб Ўзбек санъатини ривожлантиришига хисса қўшишига катта замин бўлди десак асло муболаға бўлмайди. Фестиваль 15-ноябрьдан 20-ноябрьга қадар бўлиб ўтади. Фестивальнинг очилиш маросимидан сўнг Қашқадарё театри фестивальдан ташқари бўлган Ч.Айтматовнинг “Оқ кема” спектаклини намойиш этди.
